almasalsharq
مقالات مشابهة
أزي احببب أولادي في المذاكرةابنك رافض المذاكرة ليه!! ؟
اسباب رفض المذاكرة عند الأطفال..
- سوء التغذية عند الطفل بيسبب له شعور دائم بالتعب والأرهاق وعدم التركيز..
- نقص ساعات النوم عند الطفل المعدل الطبيعى لنوم الطفل هو 8 ساعات عشان مبقاش مركز طول اليوم فى النوم..
- وجود مشكلة فى النظر وللأسف معظم الأمهات مبتبقاش عارفة ان فى مشكلة عند بنتها فلازم مراقبة النقطة دى لانها بتسبب للطفل الصداع واجهاد العين ومن ثم مبيبقاش قادر على المذاكرة وانه يبص فى كتاب لفترة طويلة..
- الصراعات بين الأب والأم ده كفيل انه يجعل نفسية الطفل محبطة ومش حاسس بالأمان..
- عدم معرفة الأساليب الجيدة للمذاكرة ..
- كثرة الواجبات وشعور الطفل بالملل .. التدليل الزائد للطفل..
الحل؟؟ - تحديد السبب ومن ثم اجتناب الوقوع فيه ..
- حدد لطفلك ما يذاكره بالضبط .. وتحديد وقت للجزء الذى تم تحديده تجزئة المذكرة بالنسبة له شى مشجع اكتر..
- اربط المذاكرة فى عقل ابنك بالسعادة .. مثلا ذاكر الدرس ده عشان تتفرج على الكرتون .. احفظ النشيد عشان تاخد الشكولاتة اللى بتحبها ..
- اعط للطفل فترات راحة بين اوقات المذاكرة يلعب فى الأوقات دى مكأفاة منك على مذكرته..
- تواصل بشكل دائم مع معلمى ابنك عشان الطفل يحس باهتمام من ناحية اهله ومعلم الطفل ايضا وحاول ان تطلب من المعلم ان تحضر له جوائز يعطيها لإبنك عندما يجاوب صح..
- التأسيس معظم الأمهات متخيلة ان مرحلة الحضانة واول ثلاث سنين فى المدرسة دول مش مهمين والطفل لسه صغير .. مش لازم تهتم به .. بس فعليا معظم الأطفال بيبقى سر عدم رغبتها فى المذاكرة هو عدم التأسيس من البداية وهنا الحل البدأ فى تأسيس الطفل او على الأقل نبدأ مع الطفل بالحاجات الأساسية لكل مادة ولو حابة إبنك ياخد درس يبقى الإتفاق مع المدرس على تأسيسه لازم تكونى مهتمة بالتأسيس اكتر من اهتمامك بالمنهج ..
- فى أطفال عندها حاجة اسمها صعوبات التعلم .. هنا اسألى عن اخصائى لصعوبات التعلم .. هو اللى يتعامل مع الطفل ويذاكر له .. او على الأقل ينصحك تعملى ايه حسب حالة طفلك ..
- تهيئة المكان للطفل من حيث الهدوء والإضاءة والمذاكرة متكونش على السرير ولو المذاكرة فى نفس المكان اللى فىه السرير يبقى لازم السرير يكون خلف الطفل عشان مجرد ما بيشوفه اثناء المذاكرة بيحس بالإسترخاء وانه عايز ينام ..
- كلف إبنك يشرح شئ يعرفه لأخوه الصغير ده هيعطيه إحساس بالثقة بنفسه فى المذاكرة ويبقى حابب يفهم اكتر..
- عقل الطفل بيفصل بعد ساعة من المعلومات بلاش تفكرى ان المذاكرة الصح هى اللى من الصبح لآخر اليوم .. المذكرة دائما احسبيها بالكيف؟ يعنى عمل ايه فى الساعة اللى قعد يذاكر فيها .. ممكن يذاكر ساعة صح احسن من اليوم كله قاعد بيقلب فى الكتاب .
- الأطفال مبتحبش المذاكرة عشان بتحب اللعب اكتر وهو ده دور الأم الذكية ربط اللعب بالمذاكرة .. كل ما تيجى تشرح للطفل مسألة تقوله دى لعبة حلوة اوى تعالى حلها كده .. كل ما تشرح درس عربى تقوله تعالى احكيلك القصة الحلوة دى .. اربطى المذاكرة باللعب واستخدمى الألعاب اللى بيحبها فى شرح الدرس..
- إعملى لطفلك جدول لتشجيعه على المذاكرة كل ما يذاكر او يجاوب صح اعملى علامة صح فى الخانه الأولى او العكس.
نتمني تكون دي معلومات مفيده ولو بقدر صغير ليكوا.. مستنين تعليقاتكوا وتفاعلكوا معانا وان شاء الله هنرد ع كل الاسئله في أسرع وقت
