almasalsharq
مقالات مشابهة
لو الاجابة ايوة كمل
مستعد تقابل اى نتيجة للعبة؟
لو الاجابة ايوة تعالى نبدء.
تقدر تركن الايجابية على جنب وكل الطموحات والاحلام الوردية بتاعت السوشيال ميديا المتحدثه بمدى روعة العام الجديد.
وتدخل بجد لتوقعاتك؟
لما تكون جاهز امسك ورقة وقلم واسأل نفسك ايه اسوء سيناريو ممكن يكون موجود جوايا عن هذا العام الجديد؟
حاول تجيب اسوء توقع جواك وتتبع حدوثه. امشي كدة وراء احداثه لحد ما تجيب اخرها خالص.
طب تعرف منين ان دى اخرها؟
امشي مع الاحداث والنتائج وراقب مشاعرك كدة. واحدة واحدة فجأة هتلاقي نفسك في حالك الآن.
وكأن كل توقعاتك هدفها انها تؤكد حالك الحالى.
لو عاوز تتأكد العب اللعبة دى اكتر من مرة في اكتر من حالة شعورية لك وشوف ان كل مرة توقعاتك هتختلف وتتبع الاحداث هيتغير جواك وفجأة ترجع للحظة الحالية.
لما تفهم استيراتيجية التوقع جوه عقلك هتعرف ان دورها الاساسي خدمة وتغذية الصدمات الجواك.
تعتبر من اهم الاستيراتيجيات المسببة لتكرار الاحداث في الحياة لانها ترسم السيناريوهات لتخدم نقطة البداية ( اللحظة الحالية)
كل ما كانت اللحظة الحاضرة باطنها نقي وحط تحت باطنها دى خطين تلاته.
ما تحمله اللحظة الحاليه في باطنك ما هو يصنع اللحظات القادمة.
اللسان يتحدث عن الطبقات الظاهرة للعقل لكن الورقة والقلم تكشف البواطن.
افتح شباك جواك تدخل منه النور لحياتك. واعرف ان التوقعات سجن حتى لو ايجابية رسم لاحتمال واحد..
الانفتاح هو تعطيل استيراتيجية التوقع جوه دماغك.
