almasalsharq
مقالات مشابهة
صوتك بيرجعني
لكل لحظات
عشتها بحلوها
ومرها .
صوتك دفا
ليل الفراق.
صوتك دوا
للعشاق.
للمجروحين
اللي داقوا
سنين شقا.
صوتك يلملم
نبض قلوب
متفرقة
صوتك يطبطب
بالحنان يلضم
أمال متعلقه
صوتك دا إكسير
الحياة صوتك صفا
في عيوني تاه.
صوتك وفا في
سنين خداع
صوتك لقا من
غير وداع
دمعة بتيجي
مرقرقة.
صوتك بيمحي
ف قلبي أه.
بيبقى ليه
طوق للنجاة.
وسعادة القلب
ومناه في سحر
عينيك متغرقة.
عارف بقا…
صوتك على
أوتار الحنين.
يعزف بناي
وإن كان حزين.
بيعرف دقة
قلبه فين يلحق
بشمس مشرقة.
صوتك نغم مليان
أنين تلقاه ف
ليل الحيرانين
وساعات فرح
ورد و طرح
على شجرة
خضرة مورقة.
صوتك دا بسمة
من أمل
محفورة على
وش الزمن.
مهما نعيش
فيها المحن.
بتبقى فاضلة
بيها الوجوه
متزوقة.
اسمع بقا
صوتك دا م
الآخرخيال.
وشوف بقا
كام قلب مال.
وشاف معاه
كل القصص
اللي ما تختر
يوم ف بال.
صوتك جمال
فاق الحدود
أجمل ما
عندي
ف الوجود.
ولو الحياة بيا
تعود
تلقاني ليه
متشوقة.
