یا صابرة من عهد الرمادا بتغلي طین واللقمة حاف
واللحم ریحته مفحفحة شمینها من بیت الجیران
لیه كل شئ اصبح إشي .. عیب إختشي الرحمة یا سنینا العجاف
مع انهم كانوا عشموكى بعیشة حلوة مرحرحة وكومة أمان
زمیلتى یا امه حدتیتني عن قصة الموت الرحیم
واللى یجفیه الأمل یرتاح وبالتسلیم
دا جنان وشغل شیطان وقلة دین
جرا ایه یا بتي الرب وحده رحیم
الدنیا ضاقت كشرت وانیابها عاضة الخیر
صبح العلام واعر وعاوز مال كتیر
نفسي أروح المدرسة نفسي أعیش
الدنیا جاحدة صابها طیش وانا جیتها بنت غفیر
زمیلتى ف التاختة المقابلة
معاها مصروفها الكبیر والشعر متصفف حریر
باین علیها الخیر ماهى بنت أبلة
الأرض نحلت جتتى نفسي ف سریر
لیه كلیاتنا ننام ف نفس المندرة
مش عارفة لیه میتنا صفرة معكرة
ورغیفنا صابه انیمیا جاع
مریلتى دایبة مقطعة قرقضت استیكة القلم متصبرة
اختى الكبیرة عنست فاتها الجواز
قالوا الحوار ما فیش شوار
وجارتها خیرة مجهزة ییجى 100 جهاز
عود خضرة مایل وانحنى بعد ما فار
قطعتى من لحمك وقوتنا ع العلام وصبرتى يا ما عشان نعيش
بعد العلام حتما وظيفة أخر تمام ما فيش كلام
واسطتنا مين طب لو مافيش .. ما تفكريش
يتبخر العمر الحزين كل الأمانى والآمال لقطة ف أفيش
الجوع قرص قلب الوليد موجوع ضناكى واستجار
مش لاقى ف الصدر اللى دفناه الضلوع حبة حليب
الجوع مخالبه بتنهشه واروحنا هانت كنه تار
يا صبر غتنا بحق آيات الكتاب المنجيات والرحمة ووصايا الحبيب
أما حيلك كان بيضعف أو يميل .. كان خليل
كنتى له تتبسمى .. قلتىى بكرى إبن بطنى يوم يشيل
فجر بكرة ..قلب به تتنسمى .. قولتى عكاز لالسنين
للهنى والفرح نوره كان دليل .. يروى سعدك كانه نيل
جيش ضناكى جوا سينا ف قلب بلده راح ماجاش
لما صابه عيار جبان يحكوا إنه مات شجاع ما انحناش
قالوا خالد لأ ما ماتشى ده شهيد خويا ميت ولا عاش
المقدر يا بهية والخلاصة ليه أمانك راح بلاش
شدة حيلى عزمى جامد ما انتناش شايلة شبل إبن فارس دى جينات
أصلى حمالة ومهرة لسه ولادة وحبلى من بدايتى للممات
يحكوا عنى قالوا ليلى كمان بهية هى عبلة هى هى
هو مين يقدر عليا لسه صابرة حتى لو سرقوا الحيات
یا صابرة من عهد الرمادا بتغلي طین واللقمة حاف
واللحم ریحته مفحفحة شمینها من بیت الجیران
لیه كل شئ اصبح إشي .. عیب إختشي الرحمة یا سنینا العجاف
مع انهم كانوا عشموكى بعیشة حلوة مرحرحة وكومة أمان
