almasalsharq
Related Articles
حب تايه حب ضايع
حب كان راكب مصالح
واللي شاغلة واللي همة
فين طريق جلب المنافع
انت قمري وانت شمسي
انت حلمي اللي ملازمني
وانت بحر كبير وواسع
انت يومي وانت بكرة
وانت ضلة لحر صيفي
وأنت قدري وبيكي قانع
والكلام من بقه بلسم
خد وهات ويا المشاعر
والفريسة عايشه حلمه
والآهات والقلب والع
يالا نجري ويالا نحلم
أنا بيك بسبع صنايع
تمشي تتمختر وترقص
مين ياناس يقدر يصارع
هو يرسم وهي ترسم
ع الرمال وخياله واسع
بكرة نعمل وبعده نجني
والقصور ويا المصانع
السعادة تزيد وظاهرة
والعوازل تهري تولع
المهم انا قلبي شابع
والعيال تجري وتلعب
بالخلف حاصد وزارع
أنت شاعر هي شاعرة
والنجوم جت في الشوارع
الحقيقة المرة لاحت
والطمع أنيابه بانت
والكنوز اللي شافوها
خيال وحلم ووهم كاذب
والحبيب ركب السحابة
والحبيبة في المواجع
منين تواجه ومنين تكابر
والعقود فرطت وتاهت
والعيال عماله تسأل
هو فين أبو قلب صايع
هو فين للشعر شاعر
والمشاعر فاتت وضاعت
كل دا في سوق النخاسة
لما تتوضا بنجاسة
خسارة على زمن العجايب
فين المودة والسكن
فين حنان القلب
ونزول المدامع
فين أبو قلب قانع
****
