almasalsharq
مقالات مشابهة
◾ اول خطوه هنغسل وشنا بالغسول بتاعنا وبعدين نجهز حلة مايه سخنه بتغلي ونحط فيها لمونه ونعناع وبقدونس لو فيه
وبعد كدا هنجيب فوطه ونركز وشنا ع الحله والفوطه فوق دماغنا عشان بشرتنا تستفيد من البخار كله وافضلي كدا لمدة 10 دقايق وبعدين اطلعي
◾ تاني خطوه هنكون مجهزين الاسكراب بتاعنا وكل بشره ليها سكراب معين “الحساسه” هتعمل سكراب ب تفل القهوه المغليه عشان بيكون ناعم شويه .. “الدهنيه والعاديه” قهوه+عسل+مية ورد+ ليمون او برتقال .. “الجافه” قهوه+عسل+مية ورد او شوفان مطحون+عسل+مية ورد او فانيليا+عسل+مية ورد
هتخلطو المكونات وتدلكو بشرتكو بيهم بحركات دائريه 3 دقايق مثلا وتسيبوهم 10 دقايق وبعدين تغسلو بشرتكو
◾ تالت خطوه لازم نقفل المسام عشان ميطلعش حبوب او يدخل بكتيريا لبشرتنا ، هنقفلها عن طريق تونر بتستخدميه او مية ورد او تلجه او تونر من اللي كنت منزله طريقتهم
◾ رابع خطوه هنتخلص من الرؤس السودا
ف منطقة الدقن هنعمل ماسك القرفه “قرفه+عسل+مية ورد” وهنحطه عالمكان اللي فيه رؤس بس مش ع كل المنطقه لانها حاميه جدا بس نتيجتها سريعه وبتسيح كل الدهون اللي تحت الجلد
◾ خامس خطوه لمنطقة الخدود والجبهه هنختار واحد من الماسكين دول .
. اول واحد”جيلاتين+حبوب فحم+مية ورد” تاني واحد “بياض بيض+عسل+لبن بودره”
هنحطه ع كل الوش عشان يشد البشره وكمان للحبوب وبيشيل الرؤوس السودا
◾ سادس خطوه عاوزين نرطب بقا ونفتح اثار الحبوب هنعمل ماسك الشوفان اكتر ماسك بحبه شوفان مطحون+عسل+عصير طماطم او مية ورد ، هنحطه ربع ساعه وبعدين نغسل وشنا
◾ اخر خطوه بقا هنحط المرطب بتاعنا عشان نحافظ عالنتيجه وطبعا لازم كل يوم نغسل وشنا بالغسول المناسب لينا ونرطب كويس جدا ومحدش يقول بشرتي دهنيه مش محتاجه ترطيب.
حقيقي استفدت جدا من الروتين دا سلمت يداكي 👏👏🌸❤️