almasalsharq
مقالات مشابهة
:نود ان نعرف من هي الفنانه؟
(عرفينا بنفسك ):
اسمي:أسماء فوزي أحمد
محافظه :سوهاج
عندي ٢٨سنه حاصله علي ليسانس دراسات اسلامية وعربية .
:كيف بدأت هواية وشغفك لفن الهاند ميد (الكورشية)؟
كنت بشتغل كورشية من زمان وانا في ثالثه اعدادي لحد ثانية ثانوي وكنت بنزل ورش مع مدرستي أ/هدي وفضلت الهوايه تكبر ولكن وانا في الجامعه وقفت عشان الدراسه وبعد ٦سنين جواز حسيت ان عندي فراغ كبير رجعت اشتغل تاني وبمجرد اشوف الصور انزل اشتري الخيوط واعملها واعرض شغلي ،،وبدين للفضل ((لامي وابويا واخواتي أنهم دايما معايا ومشجعني منذ البداية وخاصة “زوجي “وقف معايا ماديًا ومعنويًا في حاجات كتيير وكان اول حد شجعني اني اكمل وموقفش ..
:كيف كانت بدايتك مع (جروب خليك مشهور )؟
سمعت عنه وعرفت انه في جروب كبير بيشجع الفنانات وبيدعمهم فاشتركت فيه فعجبتني الفكرة وفعلا لقيته نشط وبيدعم جدأ ،وخصوصًا لو حد عندة جروب بيكبر الجروب او ولو حد عايز يعرف نفسه باعماله بيعمل (بث)فلقيت كميه دعم كبيرةوحقيقي غير عادية وده شجعني اني انزل فيه شغلي نزلت (فستان لبنتي )واخرهم المسابقه دي (فنان ومقال )..
:كم من الوقت يستطيع للمبتدئين من وجهه نظرك يحتاج لتعلم فن الكورشيه؟
مش كتيير اللي عنده هواية وموهبه بيتعلم بسهولة انا كنت بدرب اطفال وبدي كبار (الأطفال :ممكن من ٣حصه بيمسكووه الأبره ويعملوا سلسله ويبقوا فرحانييين جدًا اللي عنده موهبه وهواية وحب هيتعلم بسرعه ..
:ايه النصيحة التي يمكنك ان توجهيها ان يتجنبها المبتدئين من خطأ؟
ان الكورشية هوالسهل الممتنع بمعني لازم يكون فيه صبر ومتخلييش حد يحبطك انه صعب بالعكس (الكورشية )سهل جدًا وبحر من الغرز والمعرفه والإبتكار فأي حد هيبتدي يتعلم لازم يصبر وبعد كده هيلاقي كل حاجه سهله وممتعه وهيكون في ‘فرحه كبيرة’مع أول قطعه بتتنفذ بايدك ونصيحه مني؛؛لأي حد بيحب الهاند ميد متخليش حاجه توقفك او اي كلمه تحبطك لازم تثق في الله ونفسك انك ناجح في اي مجال طول ما انت بتسعي وبتحبه هتنجح.
:من خلال رؤيتك في اي اضافه تحبي تقوليها لتطوير قسم الهاند ميد في الجريدة؟
بصراحه ماشاء الله فيه انفراد وسباقه بالدعم وتقديم المواهب وتخصيص كل موهبه بمسابقة ده بيدعم ناس كتيير وبيشجع ناس اكبر وكل الشكر والتقدير للمستشار/حسن حميد (رئيس مجلس الادارة)وشكر خاص لادمن الجروب لسعه صدورهم وذوقهم .
:لو قلنا لحضرتك وجهي كلمه لرئيس مجلس الادارة المستشار/حسن حميد
“تقوليلة ايه؟
كل الشكر والتقدير بجد انه سبب في سعادة ناس كتيير وأمل في نجاح فنانين ومبدعين اكتر نفسها تتعرف ويتعرف فنها .
ماشاء الله
مبدعة
وتستحق التكريم
شكرا جريدة الاسرة العربية جريدة الماس الشرق
شكرا السيد المستشار #حسن_حميد
شكرا جروب خليك مشهور
الشكر موصول للسيد المستشار حسن حميد على باقة الزهور المختارة بعناية التى تدير الجروب بشكل مبهر
حفظكم الله جميعا
ودمتم لنا داعمين
استاذة هبه حد ذوقك جدا وعنده سعة صدر للحديث أتمنى لها ميد من التقدم والتوفيق