almasalsharq
Related Articles
♦كثير بنسمع الكلمة دي من اولادنا في سن المراهقة .. انا حر اعمل الي انا عاوزه .. انا عاوز اعيش بحرية .. طيب يعني ايه حرية؟
كثير من الشباب بيردد الكلمة دي انا حر .. واكيد ده من حقه .. بس السؤال انت حر في ايه ؟
♦جملة انا حر بنلاقيها كثير عند الشباب الي عاوز يتحرر من سلطة الوالدين بس لازم يكون عارف
♦ايه حدود الحرية ؟
♦وامتى ماينفعش تكون حر ؟
وعشان تكون حر لازم كمان تكون مسئول
♦فتكون الجملة انا حر ومسئول
انا اخترت ادخل الكلية دي .. يبقى لازم اكون عارف ان حيكون مطلوب مني واجبات عشان انجح وهيقابلني عقبات .. محتاج اتعلم ازاي اتعامل معاها واحلها عشان اكمل طريقي
♦لكن انا حر اخر وقت ما انا عاوز واول ماتقع في مشكلة تقول انا ضحية .. هنا ماينفعش تقول انا حر
♦طالما اخترت انك تكون حر يبقى تتحمل عواقب اختياراتك
لو نجحت يبقى انت بتستخدم حريتك في مصلحتك
لو غلطت او فشلت .. تعرف انك ماشي في طريق غلط وتتحمل عواقب المشكلة وتتعلم ازاي تنجح
♦الحرية مش حاجة مطلقة او بلا حدود حريتك مبنية على حرية غيرك
فى مثل شعبى بيقول “كل اللى يعجبك والبس اللى يعجب الناس “
يعنى لازم هيكون فيه حرية زائد مشورة من حولك
🙋♀️ تحياتى 🙋♀️
انتظرونى مع مقال جديد
