almasalsharq
Related Articles
س:في البداية نود أن نعرف من هي الفنانة ؟
(تعرفينا بنفسك):
اسمي:هناء عيد عليمي
عمري ٥٧ سنه وطلعت معاش مبكر من ٦سنين
وكنت في التدريس ٣١سنه
س:مين أول شخص كان داعم ليك في فن الهاند ميد ؟
زوجي ربنا يبارك في عمره كانت بنتي شافت علي الفيس تعليم للهاند ميد قالتلي علي كورس خياطة فضلت فية شهر واحد في نفس المكان فيه اكتر من مجال وقلت طالما ربنا موفقنييش في الخياطة خلاص لكن جوزي قالي لا ادخلي أي كورس تاني وفعلًا اخدت خرز “٣شهور “وبعدها كورشية وفعلا دعمني معنويًا وماديًا تشجيع مستمر ولان الخامات غالية كان هوه متكفل بيها لأن معاشي عمره ما كان يغطي وكل ما عمل حاجه بيشجعنا اعمل غيرها ربنا يبارك فيه.
س:كيف راودتك فكرة الدخول لعالم فن الهاند ميد ؟
كان اول خروجي علي المعاش اول فترة صعبه لأني متعودة اصحي بدري ولازلت فكان اليوم بيبقي طويل وبشعر بالملل فأخذت كورسات في جميع الفنون للهاند ميد وكمان مع نفسي علي اليوتيوب واول عمل ليا كان ((فانوس خرز لحفيدتي ))
وتدربت علي ايد ناس افاضل منهم الاستاذة /”سهير كريم “في الكورشية”
واول عروسة عملتها اميجرومي من ايد الأستاذة /”سميرة يوسف”ومن حبي وتقديري ليهم سميتها ((سمهير ))علي أول حروف من اسمائهم ،
واستاذة/هدير مدربة الخرز واستاذة /فاطمة كملت معاها “اميجرومي “واستاذة /رباب في الجلد الطبيعي لهم جزيل الشكر والتقدير ،وكنت بدرب تطوعي لأي حد عايز يتعلم في “ملتقي جامعة عين شمس “،وفي حزب المحافظين جلد طبيعي .
س:ماهو أفضل فن مقرب إلي قلبك أكثر في فنون الهاند ميد والسبب ايه ؟
الجلد لأنه حقيقي يعتبر أكبر تحدي لقدرة الأنسان لأنه صعب وبياخد وقت ومحتاج تركيز ازاي تمسكي قطعه جلد وتعملي منها شئ جميل انا من ساعه ماتعلمت الجلد من سنة ونص ولا انا ولا بنتي اشترينا شنط وجوزي ولا محفظة ولو مناسبة غالية عندك بتقدمي هديه “جلد طبيعي “ذات قيمه .
س:اية ممكن تكون اكبر مشكلة قد تواجه
المبتدئين في تعليم “فن الهاند ميد ؟
(اليأس)اكبر مشكلة ولازم يتغلب عليها انه يكون واثق في قدراته ويكرر أكثر من مره مستواه بيبقي افضل انا لغاية دلوقتي بتعلم في حاجات كتيير لسه مش ملماه بيها اهم حاجه الأمل والتفائل والصبر .
س:من خلال رؤيتك ووجهه نظرك ما رأيك في (جريدة ألماس الشرق)؟
الجريدة ألماس الشرق فعلا هي ماس معروف ان الماس غالي ونقي وجريدة ((ألماس الشرق ))بتدعم بلا مقابل وليس له نهاية الكل واقف علي قدم وساق للدعم والمسانده وتشجيع في كل المجالات التي تهم الأسرة ،ورئيس مجلس الإدارة المستشار (حسن حميد )غالي زي الماس ونقي نقاءة وكل القائمين عليها وقسم الهاند ميد في الجريدة وجروب ((خليك مشهور ))اسم علي مسمي كل حد قدم شغله اكتسب خبرات وبيبقي لشغلة اكبر عدد شافه واصبح عنده حماس للشغل بسبب دعم المستشار /حسن حميد .
س:لو قلنا لحضرتك توجهي كلمة لرئيس مجلس الإدارة المستشار /حسن حميد تقوليلة ايه؟
اقوله انت (طوق النجاة)لكل غريق انت الامل اللي بتزرعة في نفس كل محبط والفرحه اللي بتملي بيها القلوب انت الامل لكل المبدعين في كل المجالات وكل بيت واسرة كنت اتمني يكون فية “قاموس “خلق لك ليكتب عنك اجمل وارق وابدع الكلمات ليك كل الشكر واهم شكر (الشكر لله )لدعمك للجميع .
I
