almasalsharq
مقالات مشابهة
كنت ماشية في ميدان سرور ولقيت واحدة جاية بسرعة من ورايا وبتنده يا استاذة يا استاذة ادورت لها قالتلي مش انتي اللي بتكتبي شعر وقصص قلتلها ايوا انا دعاء قالت أنا بعتلك كتير خاص وانتي مردتيش وكنت عاوزاكي تحكي حكايتي يمكن الناس تبطل الي بيعملوه
وقفت معاها اهزر شوية واحاول أهديها لانها
كانت متوترة جدا وبعدين قولتلها طب احكيلي ايه حصل
قالت أنا اتجوزت جوازة عادية جدا صالونات وبعد سنتين محملتش خالص ومع ان الدكتور قال له مفيش فيها عيب الا انه صمم علي الطلاق وكل واحد راح لحاله وانتهي الموضوع
طبعا انا لسه جاية اقول لها ربنا يعوض عليكي وبتاع لقيتها بتقلي استني بس انا لسه مقلتش حاجة
قالت قعدت ٧ سنين من غير جواز
كل الي يجي يتقدم طمعان فيا مش عاوز يجيب اي شيء اهو جوازة سهلة مش هيدفع حاجة، فضلت على الحال مع كل واحد يتقدم
لحد ما جه أخيرا واحد الكل قال انه ابن حلال وبيصلي بس ظروفه وحشه كالعادة
اتجوزنا علي عفشي ومجبش ليا دهب ولا اي حاجة حتي أوضة النوم جاب بتاعته في بيت ابوه ورضيت وسكت المهم اتستر ويبقي ليا بيت زي باقي الستات
اتجوزنا في أسبوعين وحملت بمجرد جوازي في تؤام وقلت الحياة ابتسمت ليا خصوصا انه كان لسانة حلو جدا وكلامه زي بلسم وكنا في غاية السعادة ويقدا له صوابعي العشرة شمع وقعد يقلي اني عوضه وايه يعني اتجوزت قبل كدا وغرقني حب ومودة وبعد مرور شهور لقيت وحش مفتري كل كلامة ليا معايرة اني خرج بيت
وانه كان لازم يتجوز بنت محدش لمسها وايه الي خلاه يتجنن ويتجوز مطلقة معيوبة وبقي كل ساعة يقلي الكلمتين دول لحد ما كرهت نفسي وبقيت هيكل عظمي وبعدها بدأ سلسلة المعايرة اكتر اني وحشة ومعصعصة وانه انقذني من شبح كلمة مطلقة الي بيطمع فيا الكلاب وبقيت متجوزة والادهي بقي انه بيقلي انا اتجوزتك ببلاش لان ملكيش سعر ولا قيمة
طبعا هي انفتحت في العياط وانا اتمليت غضب لاني مطلقة زيها وشايفة ان كل الي قالته عار علي الكل وانا منهم
فحبيت أوجه رسالة لجوزها ولكل ذكر
يا استاذ يا محترم مش هقلك الدين بيقول ولا حرام ولا حلال
بس هو انت لم اتجوزتها وهي مطلقة كان حد مكتفك وبيجبرك علي ده
هو انت اصلا دفعت ايه عشان تتكلم وتعاير وتهين
دا غيرك شباب زي الورد بيدفع دم قلبه عشان يتجوز وسنين غربه وذل وفي الاخر تطلع ست صعبة تطلع عينه
مش مقدر النعمة طلقها
اللقب بتاع مطلقة احسن من عيشتك اللي كلها اهانة وذل
ولأي ذكر لو مش عارف قيمة المطلقة متقربش منها
المطلقة مش عار
المطلقة ست زي أي ست
ربنا أراد ليها ابتلاء معين
ربنا كرم المطلقات وعمل ليها سورة اسمها الطلاق
وانتِ ارفعي راسك خلي الكون كله تحت مداسك
