almasalsharq
Related Articles
راقب كدة و انت داخل على حاجه جديدة في حياتك (مشروع. علاقة. سكن. شراء) يكون جواك تهديد او معايرة.
لو لقيته يبقي ده معناه ان عندك صدمة قديمة من ذكرى تخص نفس الموضوع.
علشان تقدر تخوض التجربة الجديدة بسلام من غير ما تجذب لنفسك نفس النهاية السابقة محتاج.
اولا.. تسأل نفسك. هو انا الكان في التجربة القديمة دى هو هو انا الداخل التجربة الجديدة؟
ثانيا.. هى ايه الدروس الانا اتعلمتها من التجربة القديمة؟
ثالثا.. طيب لو في دروس تانية محتاج اتعلمها وللاسف متعلمتهاش من التجربة السابقة ازاى ممكن اتعلمها لو مش دخلت تجربة حيه اختبر فيها مدى تطورى؟
رابعا.. ايه اسوء حاجه ممكن تحصل في التجربة الجديدة؟
خامسا.. هل يوجد اسوء مما حدث لى في الماضي؟
سادسا.. ايه الهيحصل لو حصل اسوء حاجه؟
وبعدين ارجع اسأل نفسك
هل مازلت محتار بين خوض التجربة وعدم خوضها؟
لو جتلك الاجابة ايوة لسه محتار يبقي لا تخوضها لانك ببساطة بحيرتك وخوفك تجذب لنفسك اسوء سيناريو.
لو كانت الاجابة لاء هخوضها او مش هخوضها اعرف ان الامر هيمشي بافضل احتمال لانك نجحت في استلام ادراكات جديدة تساعدك على خوض التجربة بنجاح.
