almasalsharq
مقالات مشابهة
عارف مشاعر الخزى والعار بتعمل ايه في حياتك؟
تخلق بوابة عملاقة لدخول الخوف لحياتك…
خوف من أى شيء يثير العار عندك. لو بيظهر شعور العار لما حد ينتقدك هيتولد جواك خوف من الإنتقاد يخليك طول الوقت بتقول الكلام العاوز يسمعه منك الآخر علشان تضمن انه لا ينتقدك..
لو لما بتقعد لوحدك في مكان عام بتحس انك مكسوف والناس كلها بتبص عليك دى معناه ان شعور الوحدة تثير شعور العار وبالتالى هتلاقي نفسك بتستخبي في وسط الناس وتقدم كل التنازلات الممكنه علشان تفضل وسطهم خوفا من الوحدة..
لو طلب المساعدك يثير عندك شعور الاحتياج و احتمالية الرفض تظهر عندك شعور خجل او خزى دى هيخليك طول الوقت تتظاهر بالقوة علشان تضمن انك لا تحتاج لأحد وبالتالى لا ترفض..
لو بتتكسف تتكلم عن المال.
لو بتتكسف تتكلم عن حقك.
لو بتتكسف تتكلم عن مشاعرك.
لو بتتكسف تتكلم قدام حد.
لو بتتكسف…………………….
المقصد هو لفت انتباهك لجدر الخوف غالبا يكون خوف من العار…..
يوم ما تخرج العار للسطح وتقرر تقوله انتهى دورك لحد كدة هتبقي عامل زى الشخص البيتخانق فبيقلع الفانلة بتاعته علشان ميكونش له ماسكه..
يمكن يتألم او يتجرح بس مش ممكن يتكتف…
ملهوش ماسكة يتسيطر عليه منها…
يوم ما تتحرر من العار هيكون ملكش ماسكة تتمسك منها.
هتكون انت الحقيقي بكل ما فيها من طالح او صالح..
و دى أولى خطوات الافراج..
طول ما في عار…… في حسابات ومخاوف وموانع ومعيقات وتلاعب….
خرج العار بكل ما فيه من عار…
مفيش حاجه سارقة حريتك قد ما شعور العار سارقك انت شخصيا..
حتى في اندهاشك دلوقتى بان معندكش شعور عار..
العار من العار نفسه.
انتبه.
طول ما في خوف دور تحته على العار..
طول ما في موانع وكسوف وتوتر فتش عن العار.
العار بيسرق التمكين…
