almasalsharq
مقالات مشابهة
مر اسبوع عيناي لم تفارق فيهما عقارب الساعة الا وقت النوم ، وانا أسأل نفسي عشرات الأسئلة دفعة واحدة،لماذا لم يتصل بي دكتور عبد الحميد حتي الأن،أين سيد الان؟ هل كشف كل شيء وتم القبض علي عتيقة ؟ولماذا لم يخبرني بذلك حتي الان ،لم اتمالك نفسي واتصلت به في الصباح الباكر
_ صباح الخير دكتور عبد الحميد
= صباح النور يا فريدة، سامحيني مقدرتش اكلمك
_ مقدرتش ليه ،خير؟
= الاخبار مش كويسة
_ العيال في الدار جرالهم حاجة ؟
_ لا يا فريدة العيال كويسين
= ايه حصل ممكن تفهمني؟ سيد كشفها صح؟
_ سيد قعد في الدار اربع ايام و الداخلية بعتت له ناس علي أنهم اهله ولقوه وراحوا خدوه وهو سجل كل شيء صوت وصورة،الدار زي الفل مفيش فيها لا ممرات ولا اولاد بتضرب ولا اي شيء
_ ايه الي حضرتك بتقوله ده
= هو دا الي حصل،عتيقة بريئة،ومعملتش اي شيء،دي ست طيبة وبتحب العيال جدا والعيال في أحسن حال
_ مين دي الي طيبة والي احنا شفناه بعنينا في اللوحة والممرات و سمير الي اتقتل ومروان الرسام
= مش عارف اجاوبك ،بس سيد سجل كل شيء من الالف للياء خلال الكام يوم الي قعد فيهم هناك صوت وصورة، المكان جميل وهادي والعيال فعلا مرتاحة
_ لا لا ابدا في حاجة غلط مش معقول دا كذب ،أنا مش قادرة أصدق
= اهدي بس ، محتاجين نفكر بهدوء
_ طيب يادكتور هستاذن حضرتك دلوقت
مع السلامة
احمرت وجنتاي وارتفع ضغط الدم في رأسي فذهبت إلي اللوحة وبدأت اخاطبها وانا اصرخ
_ يعني ايه الي بيحصل ده انتي ملموسة يعني وبتلعبي بيا، كل دا كذب
عتيقة معملتش حاجة ولا عملت ؟في عيال بتموت ولا لأ ؟أنا خلاص هتتجنن
وفجأة تم غلق باب الغرفة بعنف وأغلق الضوء أيضا وانارت اللوحة كأنها شعاع الشمس وجذبتي اليها ، اندفعت نحوها كأن شخصا يسحبني بسلاسل قوية ،أمسكت بالاطار وأنا اقاوم الدخول بداخلها وبالفعل نجحت ،أما هي تحولت لدار سينمائي عالي الجودة، عتيقة تتحدث مع رجل عريض المنكبين ،ضخم الجثة في حديقة الدار
_ ااااه يعني سيد ده مش طفل دا قزم متجند من الداخلية
_ ايوا انت فهمتي ،في حد مبلغ عنك وكشف كل حاجة، سيد هيصور كل شيء خدي بالك حتي الهمسة هتتسجل
_ متقلقش عليا انا هتصرف
وبعدها اختفي الرجل وظهرت غرفة مظلمة بها الطفلان اللذان كان يتحدثان ،معلقان علي الحائط بحبال وعلي اجسادهما آثار تعذيب واضحة وعتيقة تنظر لهم بحدة
_ يا سلام يا سي يونس ،انت وسي خالد كنت عاوزين تقولوا لسيد واهله وهو ماشيين الحقيقة عشان يبلغوا مش كدا ،مخفتشوش تحصلوا سمير ومحمود ولا ايه ؟
لم يتفوه الاولاد بكلمة وتحاشا النظر اليها تماما
هاجت وبدأت تركل فيهم بقدميها ثم ذهبت إلي الدرج واخرجت القفاز الأسود واتجهت اليهما والشرار يتطاير من عينيها.
