almasalsharq
مقالات مشابهة
ظهر علي فريدة الغضب الشديد ثم نظرت لمأمون وقالت بحدة:
استاذ مأمون واضح انك تعرف كل الي بيحصل، منظرك وانت بتبص علي الاولاد كان مبين ده
مأمون: ايوا انا شفت كل الي حصل دا في الحقيقة ولما عتيقة عرفت اني شفته لبستي قضية ودخلتني السجن
دكتور عبد الحميد: لبستك قضية ازاي؟
مأمون: بلغت عني اني بزور لوح أصلية ،طلعتني مزور كبير وجاي ابيع لها من لوحاتي المزورة واضحك عليها
فريدة: ايوا انا كدا فهمت انت كنت في السجن ليه
مأمون: أنا هقول لكم كل حاجة ،الي انا شفته محدش يصدقه ،الاولاد دي بتجيلها معونات وفلوس تكفي خمسين دار ايتام ومش بياخدوا منها ولا حتي بياكلوا كويس دا غير الضرب والتعذيب المبرح قبل كل زيارة لحد من كبار الزوار،عشان محدش منهم ينطق ويقول علي أفعالهم ، عتيقة والي معاها بياخدوا كل شيء وياريت العيال سلمت من اذاهم والي بيخرج من الدار بيتنبه عليه انه مينطقش وانا كنت منهم
دكتور عبد الحميد: يعني ايه ممكن توضح؟
مأمون : أول ما اهلي وصلوا للدار وعرفوا مكاني عتيقة قالت ليا بالحرف، لو فكرت تحكي كلمة عن الي عشته هنا في الدار ،حتي جوا الكوابيس مش هسيبك،الرعب لجمني ومنطقتش ولما كلمتني ارسم لها لوح رحت وانا مرعوب ،لو قلت لها لاء كانت هتلبسني مصيبة واهي لبستي فعلا
فريدة: طيب دلوقت انت لما شفت الحاجات الي عملتها في العيال عملت ايه؟
مأمون: مقدرتش اسكت وبلغت عنها في محضر رسمي
عبد الحميد: وبعدين حصل ايه في المحضر؟
مأمون: حصل بلاوي اتقلب عليا وقالت انها لما رفضت تشتري مني لوحاتي المزورة ،رحت اتبليت عليها انها بتعمل كدا في الاولاد
فريدة: الشرطة مارحتش للاولاد؟
مأمون: راحوا وقبل زيارتهم رتبت كل شيء وراحوا لقوا العيال بتلعب ولابسين جديد وزي الفل وطلعت انا الشيطان الي بعمل بلاغ كيدي ومع شكوتها ضدي علي اللوح والمحضر دخلت السجن
عبد الحميد: كدا انا فهمت احنا لازم نشوف حد يوصل لجوا الدار وهو الي يعرف يجيب الي بيحصل ويثبته عليها
مأمون: الموضوع مش سهل أبدا، دا انت داخل قلعة ، متعرفش تمشي جواها من ضيق الممرات والمصيبة ان الممرات دي في اوض سرية يعني الي جاي الدار زيارة مبيشفش اي شيء من ده خالص
عبد الحميد: اطمن انا ليا صديق بيشتغل في المباحث العامة ،أنا هحكي له كل الي حصل ونشوف هتتحل ازاي
مأمون : طيب انا هستأذن بس أمانة عليك اوعي تجيب سيرتي ،انا لسه خارج من السجن ومش حمل بهدلة تاني
دكتور عبد الحميد
:اطمن انت بره اي شيء
مامون: متشكر جدا
ثم نظر الي فريدة وقال: أتمني حضرتك توصلي لحل معني ان سمير استنجد بيكي انتي انه عارف انك حلقة الوصل الي هتقدري توصليه للراحة وتنقذي زمايله
فريدة: بإذن الله ربنا هيكرمنا ونوصل لكل شيء بس قبل ما تمشي سيب كل بيانات المكان وعتيقة عشان نبدأ نتحرك
مأمون: حاضر هاتي ورق وقلم
وبالفعل كتب محمود كل التفاصيل عن عتيقة والدار ووضعها في يد فريدة وقال:
ربنا يجعل تعبك ده سبيل نجاتك في الدنيا والآخرة،هستاذن انا
وانصرف ولحقه الدكتور عبد الحميد وسارعت انا لأمي وجدتها تجهز أغراضها وتخبرني بأنها لابد لها من العودة الي المملكة بسرعة
فريدة: ليه بس كدا يا ماما انت بقالك يومين حابسة نفسك ومردتيش تقعدي معانا بره ودلوقتي هترجعي وتسيبني لوحدي في كل ده
= يا بنتي والدك تعبان من كام يوم وانا مردتش اقلك وانا كنت ملخومه معاه هو كلمني امبارح وقال احجزي وتعالي
_ ماله بابا في ايه؟
= انتي عارفة بقي السكر والضغط وهو محتاج متابعة،بإذن الله هيبقي كويس،المهم ركزي انت عشان تنهي موضوع سمير والبيت ده بسرعة،العيال دي بتتعذب ومحتاجة حد يلحقها انا بإذن الله هسافر في طيارة الفجر وابقي طمنيني عليكي
وبالفعل أكملت اليوم مستيقظة حتي ودعت امي بمدخل المطار وغادرت بعد اقلاع الطائرة وعدت الي المنزل وانا منهكة من التعب وبمجرد أغماض عيني
رأيت الطفلان اللذان كانا يتحدثان في الغرفة وهما يمسكان بجراكل صغيرة ويمشون بهدوء وحذر شديد في الممر الطويل الضيق ويسكبون مادة بجوار الجدارن وفعلوا كذلك في كل الغرف .
