almasalsharq
مقالات مشابهة
وقفت انظر إلي سهي وحسام والثواني تمر كسنوات لم يتفوه احد منهم بكلمة، ظلا ينظران نحوي بوجه مثل الفحم المحترق وفجأة أعادني يوسف لوعيي وهو يصرخ
فوووق يا محسن،جرالك ايه؟ = في ايه ،جري ايه؟ وقعت مغمي عليك ،انت كويس ؟
= اه كويس ،فين رمان؟
_ هرب وقال إن العفاريت دي شرانية وهو مش قدها
= الدجال مش قدها واحنا الي قدها
_ بقلك ايه انت تتصرف في فلوسي انا مش داخل هنا تاني مهما حصل ،ياروح ما بعدك روح
= حاضر، بكرة يكونوا عندك
وخرج يوسف وانا في قمة يأسي لا ادري ماذا أفعل ؟لم تمر دقائق حتي وجدت محمود أمامي في الشقة
_ كدا تتأخر عليا يا استاذ محسن
= خلاص يا محمود صاحب الشقة عاوز الفلوس وهياخدهم بكرة
اتفرج حواليك كدا ،ايه رأيك؟
_ أعوذ بالله وانا الي لما لقيت شوية دم علي باب الحمام اتفزعت
= شوية دم؟
_ اه ماهو ولاد اخوك بدأوا يلعبوا معايا علي خفيف جدا ،همسات في عز الظلمة وصرخة كل كام يوم واحنا نايمين تفزعنا من احلاها نومه
= انت بتتكلم كدا عادي ومش خايف
_ خايف ايه بس،دا انا دمي نشف ومراتي سابت البيت وحلفانة ما ترجع وبتقلي هات شقة تانية
= طب وبعدين والله لو رحت فين ما هيسيبوك
_ قصدك ايه؟ هما طلعولك بره كمان؟
= دول بيطلعوا في كل حتة وانا بعدي الشارع من يومين لقيت سهي واقفة جمبي في الاشارة ،لولا ستر ربنا كانت العربيات فرمتني
= يا ستير يارب وبعدين بقي
_ شكل المستخبي خلاص هيبان يا محمود
= متخوفنيش بقي يا استاذ ،لازم نشوف حل وبسرعة.
وعلي الجانب الاخر
_ فريدة أنا عاوزاكي تحكيلي حكاية الاولاد دول من الأول ،يمكن نعرف نساعدهم بجد
= حاضر يا ماما ،هحكيلك كل حاجة
بالتفصيل الممل
وبالفعل بدأت ان اقص لأمي كل ما حدث
_ العيال دي عمهم هو الي قتلهم ،عشان ياخد فلوس ابوهم
= احتمال يا ماما كبير بس في لغز تاني ، سهي وحسام بينهم مشكلة ،سهي طلعتي وكان شكلها مخيف، في حاجه سهي مش عاوزاني اعرفها
_ تفتكري سهي مخبية ايه ومش عاوزاكي تعرفيه؟
= ازاي يعني قصدك ايه؟
_ مش عارفة بس سهي دي وراها سر،طيب هو مظهرش ليكي تاني
= ولا مرة من بعدها وقعدت انده عليه زي المجنونة وبرده مظهرش
_ نعمل له جلسة تحضير أرواح
= ايه بتقولي ايه يا ماما،أرواح ايه بس
_ اسمعي بس ، انا اعرف شيخة هنا ،بتتواصل معاهم وتعرف تحضرهم ،نجيب حسام ونعرف ايه الي حصل والحقيقة تبان خلي أرواحهم ترتاح ويمشوا
_ يا ماما صعب قوي الي بتقوليه ده
= بقلك ايه انا اتربيت كدا وامي كانت بتكلمهم قدامي ودا قدرك ولازم تعتبريه شيء عادي،الصبح نكلم الشيخة فطيمة وتيجي تحضر روح حسام
_ حاضر يا ماما ،بس اوعي تسيبني لوحدي معاها ولا معاه
= متخافيش انا جمبك
وفي الصباح اتصلت امي بالشيخ فطيمة التي حضرت مسرعة ومعها البخور والأدوات وامتلأ المكان بالدخان استعدادا لحضور روح حسام ومعرفة باقي القصة.
