almasalsharq
مقالات مشابهة
…………………….
.إييه يا زيزو عم علي بيشتكي منك ليه..؟
.بيشتكي مني أنا…دا أنا نسمة يا عم نبيل..!
.يا راجل عيب عليك…عم علي راجل محترم…وعايش معانا من سنين وعمره ما اشتكا من حد ولا حد اشتكا منه…!
.ما تصدقوش يا عم نبيل..دا راجل كبير وخروف…!
.كمان بتشتمه وهو غايب…لا يا زيزو…كده كتيير ..وعيب تشتم حد في سن ولدك…!!
.عم علي هو اللى شتمني الأول..؛
.إزاي يا زيزو…كده من غير سبب حيشتمك..!!
.أااه….شتمني من غير سبب..أصل أنا واد جامد فحت..وهو غيران من شبابي..
.شبابك ..كده مره وحده…؟
أمال إييه ….انت مش شايف وسمتي وشعرى الناعم…!
. هاهاهاهاها وسمتك…وكمان شعرك….ليه هو انت رشدي اباظه ياخي..؟
.انت مش فاهم يا عم نبيل…أنا كل يوم أطلع أفطر واشرب الشاي فالبلكونه…ويا سلام عليا كده وانا بالحملات البيضه والشورت الكارو هات…أجنن….يخربيت جمالي.. وكل الستات يا عم نبيل…أول ما يشفوني يدخلوا جري ويقفلوا البلكونات من شياكتي وجمال الفتان..أصل أنا جان وأجنن..وعم علي يا سيدي غيران على الست بتعته مني…الظاهر كده والله أعلم
إنه مابيعرفش..وخايف اشقطها منه…!
. تعرف يا زيزو …من حق عم على لو راح عمل فيك محضر في قسم الشرطة..!!
. هاهاهاهاها حيعملي محضر جمال ورشاقة… هاهاهاهاها…دا أنا لو دخلت قسم الشرطة..حيضربوا لي تعظيم سلام من جمالي..!
.لا يا زيزو حيضربوك علقه موت ويحطوك فالحجز..بتهمة فعل فاضح ومعاكسة الجيران..وساعتها يا حلو مش حتعرف وشك من قفاك..!!
.بتكلم جد يا عم نبيل…؟
.ياريت على كده بس يا زيزو..دول حيدخلوك الحجز ويوصوا عليك المسجلين خطر..يهبدوك علقه ..تنسى اسمك فيها..
.يا ساتر يارب …ليه يا عم نبيل هو انا عملت ايه لكل ده..؟
.عملت العيب والحرام يا زيزو..
زي ما انت بتحب تقعد في بيتك براحتك….
الناس كمان يحبوا ياخدوا راحتهم في بيوتهم…
وانت يا زيزو..
ما عملتش حساب الجيره،ولا حتى احترمت كبر سن عم علي وشتمته وهو صاحب حق…
كمان يا زيزو أفعالك دي حتخلي الناس لا تقدرك ولا تحترمك ويكرهوك …
مش كده بس.. حتخلي الست بتعتك عرضه يتعمل فيها زي اللى انت عملته مع جيرانك..وتتعاكس في الشارع والبلكونه زي ما انت عملت بالضبط..!!
انت غلطان يا زيزو..
.طاب انت شايف أعمل اييه يا عم نبيل..؟
.تروح لعم علي وتعتذر له وكل جيرانك…وتبطل تعمل كده تاني..
.طاب جمالي وشبابي اوديهم فين..؟
.لزوجتك يا زيزو .. حلالك..؛
وبعدين يا زيزو فين جمالك ده..؟
دا انت اقرع وسته سنتي،وشكلك
ميت مرتين قبل كده.. هاهاهاهاها
.اخص عليك يا عم نبيل انت شخرمتني خالص..دا أنا عليا تكشيرت وش عنب.. هاهاهاهاها
.ايوا كده اضحك يا زيزو …أنا أهزر معاك..
هاهاهاهاها..
✍️نبيل بكر
