almasalsharq
مقالات مشابهة
طاقه نور مفتوحه قصادك
علشان تقضي على الازمات
أفتح قلبك أضحك وأنسي
أجمل شئ هيه الضحكات
وسط عواصف الدنيا الواسعه
أياك تزعل بعض ساعات
لجل تلاقي حلول لمشاكلك
أصبر وأقرأ أعز أيات
فك التكشيرات مهما حصلك
شق طريقك هادي بثبات
عايزين ترجع تاني ضحكتنا
تجدد لنا أحلي الافكار
بكرة العمر يعدي ويكبر
ونقول نفسنا ساعه هزار
أضحك تضحك ليك الدنيا
مهما طول بيك المشوار
حقيقي للضحك فوايد يامه
يغرس حب القلب الدار
لجل تعيش مبسوط متهني
وسط سعادة ليل ونهار
أضحك لجل الدنيا وفرفش
لجل تعيش مرتاح البال
خفيف الدم ابن النكته
تلقي حياتك وصحتك عال
اياك تغرق وسط إحزانك
علشان فقر وضيق ومال
جوا الفرحه يخلي حياتك
جنه حقيقي برزق حلال
خلي بصدرك حب وتقوي
تلقي شهادة على الاعمال
الضحكه الصافيه أجمل
مصباح
ينور حالك وقت الضيق
اللى يداري الضحك ويحزن
يفضل طول العمر غريق
هايتوه وسط الضحكه
لوحده
صعب يلاقي أي طريق
علاج الصحه الضحكه
الصافيه
لما تكون هاديه على الريق
ويه الضحك تعيش عصفور
كل كلامك لنا زقزقه
متع نفسك تلقي الدنيا
مشهد يغني عن التصوير
جو الضحك يغذي احلامك
أصعب شئ هو التكشير
إجمل فاكهه لاسره فقيره
نكته يكون لصاحبها ضمير
علشان تقضي على الازمات
شوف للضحكه معني كتير
ويه الضحك الجو مناسب
تلقي المركب هاديه تسير
