almasalsharq
مقالات مشابهة
يا بنت القلب يا سمرا
لونتيني بسمارك
حواليا كل شيء أبيض
وأصله نبع جُمّارك
دي لو كانت لمستك خمره
للمست كل أركانك
رمش عينيكِ بيسحرني
قدمت قلبي قربانك
أعيش مسجون في النني
وياريتني كنت سجانك
يا بنت الروح أنا مجروح
وجراحي تهون علشانك
وألاقيني فين ما بروح
لوحدي كل سكانك
يا كل دقات القلوب
ودقاتي في شريانك
في حبك بقيت مغلوب
رجعيني لو بامكانك
مش عارف ف مرة أتوب
ازاي .. وجدري في بستانك
يا بنت العين قوليلي انا مين
أنت ِ فين وأنا أجيلك
ليه أكون من المساكين
وأنا الدايب في تفاصيلك
دموعك بتكويني جوايا
ومتحمل همي وأسايا
وكل دموعي انا حابسها
أخاف مرة في نزولها
تحرقني وتطفي قناديلك
يا بنتي أنا وكلي
يا وردي وياسميني وفلي
كل الناس فيكي بتقولي
دي أميرتك قال وأنا خيلك
وبتلاعبيني على ضهري
يا سبب قلقي وسهري
يا شمس الروح ويا قمري
ياريتني كنت من جيلك
يا بنتي وأنا والدك
يا ضهري وأنا ساندك
في كل وقت بادعيلك
يخليكِ وأموت ف أحضانك
وأفارق ازاي وأنا منك
وعمري ما أتوه ف عنوانك
….
٢٠٢١/٨/٢٠
