almasalsharq
Related Articles
كل البيوت المصريه والعربيه بتدخل اي هايبر او سوبر ماركت وتتبع اماكن الاغذيه المكتوبه على كل ركن زي ركن الزيوت وركن المعلبات ركن جبن ركن الاكل الصحي
حد فكر ان ممكن المنتجات اللي موجوده في ركن الاكل الصحي ده ما تكونش صحيه وتكون مضره لمرضى السكر واصحاب الحميه الغذائيه طيب ازاى اعرف اقدر احدد نوعيه الطعام ده صحيه ولا غير صحيه
اول حاجه لازم نشوف القيمه الغذائيه لكل منتج و بتكون مكتوبه بالتفصيل على الغلاف بيكون في جدول محدد كميه السكر و كميه الكارب والصوديوم والطاقه و نوع الزيوت المستخدمه في المنتج وعلى اساس القيمه الغذائيه يتم تحديد سعرات كل شخص. لازم دائما ناخد بالنا من كميه السكر المكتوبه و نوع الزيوت المستخدمه ولازم نعرف ونحدد السكر المضاف ده نوعه ايه سكر ابيض ولا سكر صحي ولا قصب السكر ولا عسل نحل و كميه الزيوت المستخدمه و نوعها
تعالوا نعرف ايه اكثر منتجات معروفه انها صحيه وهي غالبا بتكون غير صحيه:
⬅️ الجبن: هناك جبن غير صحيه تماما لما يضاف لها من زيوت نباتيه او زيت النخيل المكرر وهي احد اسباب زياده نسبه الكولسترول في الجسم
⬅️ الالبان خاليه الدسم: لاعطاء اللبن طعم مقبول بعد استخلاص كل الدسم منه تقوم الشركات ب اضافه السكر وبذلك يصبح اللبن نصف الدسم وكامل الدسم افضل منها
⬅️ الكورن فليكس معشوق الاطفال عمرك فكرت انك بتاكلي اولادك كل يوم الصبح وجبه مضره بكل الاشكال
اغلب الانواع الموجوده في الاسواق عباره عن سكر ابيض والوان صناعيه مع الذره لاعطاء الطعم المميز المحبب للاطفال و ولكنه من اكثر اسباب فرط الحركه وقله التركيز لما يحتويه من سكر مضاف يتناوله الاطفال يوميا
⬅️ الجرانولا الوجبه الاساسيه لاصحاب الحميه الغذائيه ولكن يجب التاكد من مصدر السكر المستخدم ويفضل صنعها في المنزل للتاكد من مصدر السكر موجود فيها
