almasalsharq
مقالات مشابهة
::في البداية نود ان نعرف من هي الفنانة ؟
اسمي :نوسه قاسم محمد
السن ٣٧
متزوجة
::كيف تنمي موهبتك لفن الهاند ميد ؟
زوجى هو كان اكبر دعم ليا ودايما واقف جنبى وبيدعمنى حتى لما كنت بنزل الكورسات كان بيقعد مع الإولاد فى البيت علشان هم صغيرين وبدايتي كانت عادية فى البيت بالابرة والخيط وبعدين اجتهدت وتعبت على نفسى بمتابعة فيديوهات على اليوتيوب ونزلت كورسات وطورت من نفسى لحد المستوى اللى انا فيها دلوقتى ومش هقف لحد كده انا مكملة فى تطوير نفسى مش بس فى الكروشيه كمان فى التطريز ومجال الاكسسوار وعندى حلم كبير فى مجال الهاند ميد.
::ما هي الصعوبات التي واجهتك في تعلم فن الهاند ميد ؟
انا اكبر مشكلة عندى انى مش بحب اطلع القطعة وانا مش راضية عنها وعندى استعداد افك القطعة بالكامل واشتغل تانى لحد ما اوصل للنتيجة اللى ترضيني ودا بيكلفنى خامات كتير وجهد كبير.
::كيف تنتقي وتختاري بين الخامات لعمل تصميم معين ؟
دى من اكبر مشاكلى انى بجتهد انى اختار افضل الخامات واعلاهم جودة انا اصلا لما بشتغل قطعة لعميلة باختار الخامة اللى ترضيني كأنى بشتغل القطعة لنفسى ودايما بحاول اختار الخامات اللى تناسب كل قطعة على حد مثلًا الملابس الخيوط اللى تناسب الكبار ،،مختلفة عن الخيوط اللى تناسب الاطفال اللى معالجة علشان بشرة الاطفال.
::ما الحلم الذي يراودك في مجال فن الهاند ميد ؟
احلامى فى مجال الهاند ميد كتير واولهم انى اتقن كل تكنيك فى مجال الهاند ميد والحلم التانى نفسى تكون ليا قطعة من روحى فى كل بيت ونفسى يكون ليا مكانة فى المجال لان كل فنان ليه بصمته.
::في اي فكرة تحبي تضيفها لتطوير قسم الهاند ميد في الجريدة ؟
دعم المشروعات الصغيرة بتمني فى مجال الهاند ميد وتعريف الناس بيهم ودعمهم لان فى فنانين شغلهم فوق الرائع ولكن مغمورين ماحدش يعرف عنهم حاجة..
::لو قلنا لحضرتك توجهي كلمة لرئيس مجلس الادارة المستشار /حسن حميد تقوليلة ايه ؟
اولا اوجه كل الشكر والتقدير لدعم فنانين الهاند ميد وتسليط الضوء عليهم بدون مقابل وبكل حب وترحيب منه
وثانيًا:اتمنى الاستمرار فى مسيرته لدعم الفنانين والمبدعين وفقه الله .
بجد مش عارفة اشكركم ازى على الاهتمام الرائع بفنانين الهاند ميد وظهرها للنور شكرا استاذة هبه شكرا المستشار حسن حميد وشكرا لكل فرد فى الجريدة بيسعى لتقديم الافضل بارك الله فيكم وجزاكم كل خير ودائما مزيد من التقدم والازدهار
كل الشكر والتقدير للاستاذة هبه والمستشار حسن حميد وربنا يديم عليكم دوام الصحة والعافية