almasalsharq
مقالات مشابهة
:
أنماط التفكير هى البتحدد طريقة ادراكك للأحداث والمواقف .
ممكن يكون نفس الموقف يحدث مع شخصين كل شخص يدرك بشكل مختلف بسبب انماطه الفكرية .
تحدد الأنماط الفكرية بناءا على برنامج الحماية البيتبناه العقل مع الصدمات المتكررة في بداية حياته .
ببساطة كدة العقل بيخلق استيراتيجية (فكرية .سلوكية.بيلوجية ) وقت الصدمة لتجنب تكرار الصدمة مرة أخرى .
بناءا عن الاستيرتيجية الفكرية بيخلق نمط سلوكى معين وكمان استيراتيجية في استقبال الخلية للمشاعر والأفكار .
جميع الاستيراتيجيات هدفها الحماية من تكرار ألم الصدمة بصرف النظر عن إن كان الإدراك للمواقف حقيقي او لاء المهم يتم الإدراك بشكل يحمى الشخص من الألم حتى ولو كان يسقط في ألم الوهم .
ودى معناه إن جميع الإدراكات الناتجة عن استيراتيجيات حماية ادراكات مشوهه ..
قدرة العقل على الالتصاق بالاستيرتيجية وكأنها أصيلة جوه الفطرة تخليك من الصعب جدا اكتشافها بنفسك لابد من انعكاس مرآة صادقة تعكسها .
ولتغيير الاستيراتيجيات لابد وحتما من حل الصدمات المكونه لها …
وهنا بقي تختلف مدارس المعالجة النفسية ..
معظم المهتمين بالعلاج اهتمامهم الاول والاخير على تحرير المشاعر وخلق نسيج شعورى جديد وبتقنيات تحرير المشاعر البسيطة ممكن ده يحصل بسهوله جدا لكن بالممارسة والمراقبة تكتشف أن في ارتداد شعورى في مواقف جديدة وتقف تسأل نفسك هو مش انا اشتغلت على المشاعر دى قبل كدة رجعت تانى ليه والرد غالبا بيكون دى طبقة جديدة من المشاعر ودى حقيقي جدا لكن تستمر تحرير الطبقات الشعورية و طبقة تليها طبقة إلي أن تصل لمرحلة يكون فيها الشعور مبتور ملهوش جدر بس موجود وهنا معظم المنتمين لمدارس تحرير المشاعر يهنجو.
الحكاية أن طول ما البرنامج العقلي الشغال هو هو برنامج الصدمة هيطلع طبقات لانهائية من المشاعر .
ووقت ما تدرك الاستيراتيجيات المستخدمه سواء في الإدراك أو السلوك أو تكوينات الخلية يحدث شيفت في الوعى ..
تغيير الاستيراتيجيات بيوفر كتير جدا في رحلة تحرير المشاعر كأنك حذفت برنامج من العقل بكل ما يحمله من أنماط وأفكار ومشاعر وسلوكيات …
وعلشان كدة نويت اعمل ورشة الأنماط الفكرية لتغيير استيراتيجيات الإدراك العقلي للأحداث …
الورشة هناقش فيها اكتر من ٣٠استيراتيجية فكرية معيقة للتحرر الكامل من صدمات الماضي
ونعرف فيها ليه بيحصل ارتداد لبعض الصدمات ..
وازاى نقدر نغيير طريقة الإدراك وبالتالى الحياة بالكامل تتغير .
ونعرف ازاى نميز بين الاستيراتيجيات المعيقة و الاستيراتيجيات المنيرة ..
نناقش تأثير الاستيراتيجيات الفكرية على طبيعة الجسم مع المرض وايه هى الأمراض البيختارها الجسم علشان يعبر عن انماطه الفكرية.
من الاستيراتيجيات الهامة جدا المتناولة خلال الورشة
*استيراتيجيات التمسك .
*استيراتيجيات الروحانية الزائفة.
*استيراتيجيات الكدب بكل أنواعه.
*استيراتيجيات التعلق بكل أنواعه.
*استيراتيجيات الانجاز الوهمى (الجرى في المكان).
*استيراتيجيات المنافسة بكل انواعه سواء ذاتية أو قدرية .
*استيراتيجيات الاعتمادية المباشرة أو الغير مباشرة.
