almasalsharq
مقالات مشابهة
****
أكتوبر يامجد بلادنا
ذكرى الأمجاد لولادنا
أبطالنا صاحيين ع الحدود
واقفين وأقوى من الأسود
صامدين ومتواعدين
حالفين بألف يمين
يجيبوا ليكي النصر
ياست لكل عصر
احنا ولادك يامصر
معاكي أرض وبحر
نبدأ بإسم الله
ونعاهدوا في سماه
نحلف يمين الله
لتعود أرضك يامصر
الله أكبر باسم الله
زلزلت أعتى العتاة
ركعت أقوى الجباه
بارليف شاهد عليهم
والقناة قدام عينيهم
والعبور للضفة يشهد
والبطل يشكر ويسجد
والعلم رفرف وعالي
والشهيد أبو دم غالي
يبتسم ويا الشهادة
دا الجهاد فرض وعبادة
والعدو م الصدمة حاير
والصاروخ عابر وطاير
فين ياناس جيش الأعادي
اللي ياما سمعنا عنه
وهددوا دايما بلادي
واللي خاف الكل منه
التاريخ شايف وشاهد
والبطل في المحنه صامد
دا الحقوق محتاجة قائد
إفرحوا ياولاد بلدنا
كبروا فوق كل مادنه
واشهدوا عظمة بلادنا
دا العبور مازال بيبني
مصر محتاجة الشهامه
إيد ف إيد ترسم علامة
تبني مجد طريق ولادنا
علموا الأجيال تردد
مصر يا أصل الحضارة
مصر يا أجمل منارة
ليكي وردة ف أحلى عيد
ذكرى حلوه في يوم جديد
****
