almasalsharq
Related Articles
بعد الخال ما مات
هانجول لمين ياخال
ده هو الخال وهو العم
وكنا يوماتي حواليه نتلم
فاكرينه لما وصف لينا حياة الهم
اللي عاش فيها سنين
والفقر والمرض والجهل
عاش طول عمره ف هم
يحارب
بس انتصروا علينا وخدوا مننا كتير
ولسه بدري ياعم
بين النخلات العواجيز
وسط الكهوف والدهاليز
وجربة المية فوج روسنا بتخر
ولقمة ناشفة زي الحجر
وحيطان بتميل من الضجر
وسط كل المآسي خرج علينا الخال
ومعاه رفيج عمره
أمل دنجل
شدوا الرحال ع البندر
كان الطريق واعر
والاتنين هدفهم واحد
حاسين بالأمل يطل من العوينات
بس الأمل سابه ف وسط المشوار
وجاله خبر أمل
مات أمل اللي غنى للأمل بالحزن والدمع فوج الخد راسم خط بلون الدم
حزن عليه الخال
زي ماحزن على فراق الخلان
الشيخ إبراهيم
فاطنة بجنديل
والعمة يامنة
وخلج ياما فارجونا ومعاهم
حراجي الجط سبع الجنال
واجف بيشاور لك من بعيد
بيقول لك عرجي روى الأرض ياواد
وأنت تجول له فين مراسيلك وجواباتك
يجول لك خلاص يا واد
الجلم ماعادش فيه حبر
والورجة اللي كنت بكتب فيها
مليانة شخابيط مفيهاش سطر أخط لك عليه رسم
كنا بنقول لك قول ياخال
لما الهموم تحاوطنا
دلوقت مين ها يجول لنا
نضرب في الأرض فاسنا
مين ها ييجي ف رمضان ويحكي
ويحلى الكلام وياه
على كل جناة نجري وراه ونسمع
دلوجت مات الخال
هانجول لمين ياخال دلوجت الخال مات
طه صلاح هيكل
