فكرتني بالأرض والزرع والفلاحة
فكرتني بالنسيم وعطوره الفواحة
سنين كتير مرت ويقولو ا
محلاها عيشة الفلاحة
ميعرفوش الغلب والقهر
وأحزان تتقاس بالمساحة
بيقولو محلاها والمر خلاها مناحة
طينك يامصر طاهر بس الحاجة قداحة
مين بعرقه يروي الأرض مفيش راحة
ألهمتني ياعزيزي ورجعت لي
الماضي بآلامه وجراحه
فاكر أبويا بيسقي الأرض
ف نص الليل ومنين نشوف راحة
الإيد خشنة والهدمة دابت
من كتر الغسيل والأرض رشاحة
اجمع القطن يا ولدي وحافظ عليه
ده اللي بيوكلنا عيش بطل فصاحة
ولو عود الذرة مال من حزنه
عمرك ما هاتعدل كساحه
ورثنا الشقا والتعب أبا عن جد
وبيغنوا ويقولوا ما أحلاها عيشة الفلاحة
