almasalsharq
Related Articles
الموت علينا حق.
لو قلبك في
يوم ما دق.
إوعى تخاف
وإنت مقابله
دى السما
لقدومك تنشق.
غصب عنا
العين هتدمع.
صرخة بين
ضلوعنا تسمع.
لما يزورك
وانت وحيد.
كان حواليك
وماكانش بعيد.
كان مستني
الأمر في قبضة
ينزع منك أخرنبضة.
ونفس جوا
الصدر وليد.
كان بيحوم
ومين هيدوم
أهي أجسام
كسياها هدوم.
مين فيها طاير
م الفرحة
أو غرقان في
بحر هموم.
مين فيها
هيعيش ويدوم.
قطر الحياة
لما هيوصل
لازم تنزل
وتسيب غيرك
يحتل مكانك
المزعوم.
مش هيبقى
غيركفن إنعدمت
فيه الجيوب.
ساترك ومخبي
العيوب وقبر
يا دوب متر
ف مترين
إن كان واحة
ولا جحيم.
هتلبي نداء
الملكين.
شوفت الدنيا
إزاي مش دايمة؟!
وقيامة على
العالم قايمة.
لو هتعيش ع
الأرض سنين
كانت دامت
هي لمين
خليك عامل
فيها مظلوم.
عايز تستنى
ولو يوم
قال إيه هتغير
وتبدل وكأن الوقت
ماكفاش والأيام
بعتها ببلاش.
والموت ظالم
ما استناش.
إنت لدار
الحق سابقنا
وإحنا كمان
الوقت سارقنا.
موت الفجأة
بدون إنذار.
يبقى معانا
في قلب الدار
ولا شيء منه
راح يلحقنا.
