سلسلة (أنا وابني) – سحر جابر بدوي أخصائي تأهيل تخاطبي مدرب معتمد بجامعة عين شمس باحث ماجستير درسات نفسية

(ازي اعدل سلوك ابني)
يعني البيت مسؤل عن كل كبيره وصغيره
في مجموعه من الفتيات بنستخدمها في تعديل
سلوك الطفل زي الغمر والتجاهل والتعزيز….الخ
طبعا العقاب اخر خياربنستخدمه في تعديل السلوك وبنستخدمه بضوابط معينه
لما ابنك يعمل حاجة غلط، وتشوف علامات الرعب في عنيه وهو بيقولك: معلش .
ماينفعش تتجاهل خوفه أولا، واعتذاره ثانيا وتقول له :
مفيش معلش، وبرضو تنفذ عقابك
خلي بالك لو ده بيتكرر كتير
إنت كده مابتعلموش، إنت كده بتنتقم لنفسك أو بمعنى أوضح (بتفش غلك )
وكمان بتلغي من عنده قيمة الاعتذار، وبتشجعه على عدم قبوله!
وبتعلمه القسوة على المخطئ، حتى وإن رجع عن خطأه
وبتنمي عنده حب الانتقام للنفس، بغض النظر عن عذر المخطئ
ومع ده كله بتهدم معاني كتيييير أوي كانت بيشعر بيها تجاهل
لما ابنك يقول لك معلش، خده في حضنك..وقل له الولد المؤدب يسمع الكلام، ويحاول مايعملش حاجة غلط، وتخليه يوعدك إنه مايعملش الغلط ده مرة تانية، وعرفه إن اللي بيتكرر منه الغلط بيتعاقب
لكن برضو العقاب يكون بضوابط