almasalsharq
مقالات مشابهة
::كيف كانت بداية داليا إبراهيم وانطلاقها في الميديا والبرامج؟
مبدأيا “داليا ابراهيم” عاشقه لتراث بلدها (( وزوجه وأم لولد وبنت ،وخريجةليسانس اداب قسم ارشاد سياحي )) وتعشق الشغل التراثى بكل انواعه وليا الشرف انى اكون من ضمن صناع الهاند ميد ف مصر.
الموضوع معايا كان هوايا وبدايتى كانت مجرد أعجاب صديقاتى وكل اللى حواليا بالاستايل بتاعى المميز وبعد كده الهوايه تحولت لاحتراف بأذن الله وحبى للشيىء اللى بعمله بأيدى وبعد كده بعض الاصدقاء عرضوا عليا انى أنزل شغلى على صفحتى وانشىء صفحه” خاصه “بالشغل بتاعى وفعلا عملت (كولكشن) وصورته والحمد لله لقيت قبول جدًا من الناس وبعدها اتعرض عليا الظهور ف كذا برنامج وكانت الانطلاقه من هنا وبعدها تم تكريمى فى عدة مؤتمرات ومهرجانات…
:؛ماهو المبدأ الذي تؤمن به (داليا إبراهيم )ويطبق في تصميماتك؟
مبدأى المؤمنه بيه . اعمل اللى عينى ترتاح ليه وقلبى وعقلى وده بطبقه ف تصميماتى وفى كل حياتى . وانصح كل فتاة ربنا ميزها بجمال يخصها فلازم تظهر ف افضل صوره ليها وشياكتها اللى بتفرض شخصيتها..
:؛ماذا عن تصميم وكوليكشن الذي نفذته (داليا إبراهيم )جمع بين الأم وطفلتها ؟
تصميمات الام وبنتها دى من اجمل التصميمات اللي اشتغلتها لانى عملتها بكل حب لبنتى فحبيت اقول (ان بنتك قطعه مصغره منك )يبقى لازم تجتمعى انتى وهى ف قطعتين مميزتين وطبق الاصل لان ده بيحسس الام وبنتها بحب وقرب وسعاده وتميز وثقه بالنفس وفعلا القطع دى لقت قبول جدا وطلب منها الكثير للام وبنتها.
:؛ماهي الصعوبات التي واجهتيهافي مشوارك؟
الصعوبات بالنسبالى كانت انى بدور على الماتريال المصرى اللى يناسب شغلى وكنت لحد فكرة الماتريال المستورد لانى بشجع صناعة بلدى ولأني من ضمن صناع الهاند ميد ف بلدنا الحبيبه فلازم ادعم المنتج المصرى.
:؛من أول من لمح الموهبة ل(داليا إبراهيم )ودعمها ؟
أول من لمح موهبتى كانو اصدقائى المقربين وبعد ما بدأت كان اكبر دعم ليا صديقتى المقربه مصممة الازياء والاكسسوارات الاعلاميه/ (اسماء المهدى )دائمًا تدينى اكبر طاقه ايجابيه ولكن اللى دعمنى ماديآ ومعنويآ كان” زوجى الغالى “وكان ليه الفضل بعد ربنا ف صناعة اسم: “داليا ابراهيم “ولن انسى الدعم الكبير بالنسبالى كان ابنى وبنتى ومن اول ما بدأت حتي الآن.
؛:ما أحدث صيحه للعبايات التراثية هذا العام ؟
احدث صيحه للعبايات التراثيه هو الشغل اللى بيدمج بين التراث والحديث بمعنى اننا هنحتفظ بتراثتا القديم وف نفس الوقت بنعطيه لمسات عصريه تناسب العصر . احياء التراث المصرى بشكل عصرى
؛:مايميز تصميم التراث النوبي عن تصميم التراث الريفي في تصميماتك ؟
كل تراث فيهم ليه جمال خاص بيه . يعنى التصميم ( تراث النوبه )ذات الوان زاهيه ومزركشه برسومات تراثيه تحمل الطابع النوبى الجاذب للعيون
أما التراث( الريفى او الفلاحى )فيتميز دائما بالورده الفلاحى ذات الألوان المبهجه وتطريزها وبأحدث طرق تصميمها وانا بالنسبالى بحب وببدع ف كل (انواع التراث المصرى).
؛:ما هو رأي (داليا إبراهيم )في أداء (جريدة الماس الشرق )في دعم المبدعين والكلمة التي توجهيها لرئيس مجلس الإدارة /حسن حميد وتقوليله ايه ؟
جريدة (الماس الشرق) من أحب وافضل الجرائد بالنسبالى لانها كلها دعم للمبدعين ولصناعى الهاند ميد ف مصر واتاحة الفرص ليهم للتعارف ولعرض شغلهم والاهتمام بكيانهم …
واحب اشكر سيادة المستشار /”حسن حميد”اتاح لي شرف انى اكون فرد من ضمن افراد صناع الهاند ميد التراثى بهذه الجريده المحترمه واتاحة الفرصه لى لعمل مثل هذا الحوار لجريده عظيمه وبكرر شكرى للمستشار /”حسن حميد “هو وكل العاملين بالجريده على الدعم والقاء الضوء على المبدعين وفنانات تصميمات الازياء بجميع انواعها.
