almasalsharq
مقالات مشابهة
الناي يناجى العود
نادى المحبة تعود
طار الحمام وما حط
كسر القليب والعود
خط القلم مخطوط
كحل سواد الليل
راسم فى قلبي خطوط
زايد حمول الويل
كتب القلم مكتوب
العمر كله ذنوب
تجري دموع الندم
على فرحنا المسكوب
نزف القلم عبرات
يحكى يقول عبرات
صابر وصبري طال
والهم فاض دا فرات
خط القلم كام خط
بمداد ألم وسهاد
العمر راح وانحط
ويلي يا مر الزاد
الموج يشيل ويحط
رحلة فراق وبعاد
غريق وماله شط
نايبك تقيل يا …عاد
كتب القلم بلوتى
موجوع وإيه العمل
الصبر دا سلوتى
جفت جدور الأمل
الحول يجيب الحول
كان فرحنا قريب
سكن هوانا عزول
يا قلب يا طيب
زعق الغريق يا قوم
ساعدوا غريب الدار
هرمى عليكوا اللوم
ليه عقلكم مندار
وصف الطبيب الدوا
للى رماه الهوى
حنوا على اللى انوعد
بالحب ويا النوى
يا طيري يا مدبوح
غنى حلاوة روح
إرقص ونط لفوق
إوعاك تبان مجروح
يا طيري يا صداح
ليه تبكى ع اللى راح
إطلق عنان الشوق
فى الجنة عنده براح
