almasalsharq
مقالات مشابهة
هو أنا لو كنت حرامي
كله هيجري قدامي
ما زمنا بقى مقلوب
خلى الساكت مركوب
وحرامي حمير وبهايم
سمسار شاطر محبوب
والطيبة نظام مكروب
والديب هو المطلوب
ولو كنت سليم النية
تبقى منبوز مشجوب
ياسلام ياخبيث النية
على طول دايمامرغوب
ياضمير غشينه بمية
جوه بطونا مشروب
كترت فينا التعنية
صبح الشريف معيوب
فى زمنا ضميرنا ف ثانية
يقلب لبقرة حلوب
تعطيها المادة الفانية
تعطيك كل المطلوب
ويبيع المُثل العليا
علشان يملي فى جيوب
مش عارف إن الدنيا
عددها بالمقلوب
وهيدفع تمن الثانية
فوق رأسه بالمركوب
بقلم فهمى محمودحجازى
